Búðu til þína eigin sögu
Hótel Saga hefur tekið í notkun glænýjan bókunarvef fyrir funda- og ráðstefnudeild hótelsins. Salina, sem eru fullbúnir tækjakosti, er hægt að stækka og minnka eftir þörfum og þannig sníða viðburðum stakk eftir vexti.
Vefurinn, sem er sá fyrsti sinnar tegundar á Íslandi, gerir viðskiptavinum kleift að bóka og skipuleggja hvern viðburð frá grunni hvort sem um er að ræða stærri eða minni viðburði svo sem fundi, árshátíðir, ráðstefnur, brúðkaup, fermingar, afmæli eða erfidrykkjur. Notendur geta skoðað gólfplan af rástefnudeild hótelsins í þrívídd og valið þann sal sem hentar hverjum viðburði út frá þeim fjölda gesta sem er áætlaður. Einnig er hægt að velja úr glæsilegum veitingum og drykkjum sem mat- og framreiðslumenn Hótels Sögu hafa sett saman. Matur er í hávegum hafður í Bændahöllinni og leggjum við mikinn metnað í að bjóða upp á ferska og góða vöru beint frá býli.
Heillandi andrúmsloft, frábærar veitingar og einstök þjónusta skapar hinn fullkomna ramma fyrir þína eigin sögu! Starfsfólkið okkar hefur áralanga reynslu af skipulagningu viðburða og er reiðubúið að aðstoða þig við að gera þinn viðburð einstakan.
