Dr. Rob Davidson

Dr. Rob Davidson segir árangur Reykjavíkur enga tilviljun (myndband)

  • 30 September, 2019
  • Category: IS

Dr. Rob Davidson flutti aðalerindið á fundinum Áfram MICE-Land sem haldinn var í samstarfi Ráðstefnuborgarinnar Reykjavíkur og SAF nýverið. Dr. Davidson hefur undanfarin 20 ár stundað rannsóknir og kennslu, samhliða ráðgjafastörfum, bókar- og greinaskrifum á þróun og leitni í viðskiptaferðaþjónustu. Í erindi sínu fjallaði Dr. Davidson um víðtæk efnahagsleg og félagsleg áhrif MICE-ferðaþjónustu og tók sérstaklega til fyrir jákvæð áhrif á akademískar rannsóknir og nýsköpun.

Dr. Davidson fjallaði einnig um yfirvofandi kynslóðaskipti atvinnulífsins og að 2025 verði nálægt því 75% af vinnuafli heimsins af Y-kynslóðinni; fólki fætt á árunum 1977-1995. Í þeim breytingum sem fylgja þessari kynslóð á MICE-ferðaþjónustu felist mikil tækifæri fyrir Ísland. Þessi hópur viðskiptaferðamanna sé mun líklegri til þess að kjósa óhefðbundna áfangastaði eins og Ísland, gera ríkari kröfu um tæknilausnir, umhverfis- og félagslegrar sjálfbærni t.d. hjá ráðstefnuhúsum, í gistingu og afþreyingu. Þeir vilja upplifun ólíka og framandi því sem þeir eru vanir heiman frá sér og eru tilbúnir til þess að greiða hærra verð og dvelja lengur á áfangastöðum sem mæta þessum kröfum. Dr. Davidson sagði Ísland búa við öll þau gæði sem þessi stækkandi hópur sækist eftir en varaði þó við að samkeppnin fari harðnandi. Árangur Íslands undanfarin ár byggðist á öflugri innviðauppbyggingu, skilvirku markaðstarfi og jákvæðri ímynd. Við mættum þó hvergi slaka á og það væri auðvelt að taka slíkum árangri sem gefnum hlut.

Í meðfylgjandi myndbandi má finna stutt viðtal sem tekið var við Dr. Davidson í lok fundarins.

Share this article:

MORE ARTICLES YOU MIGHT LIKE 

Nýr starfsmaður hjá Ráðstefnuborginni Reykjavík

Guðrún Ósk Kristinsdóttir hóf störf hjá Ráðstefnuborginni Reykjavík 1. nóvember síðastliðin. Guðrún Ósk á að baki langan feril í MICE ferðaþjónustu og hefur meðal annars starfað hjá Icelan Travel, Atlantik og Concept Events. Guðrún Ósk mun sjá um tilboðsgerð í stærri ráðstefnur í samstarfi við aðildarfélaga og ambassadora. Ráðstefnuborgin Reykjavík býður Guðrúnu velkomna til starfa.

  • 13 December, 2019
  • Category: IS

RR skrifar undir yfirlýsingu um Ábyrga ferðaþjónustu

Þann 5. desember. s.l. á degi ábyrgrar ferðaþjónustu sem haldin var á Hótel Sögu skrifaði Ráðstefnuborgin Reykjavík undir yfirlýsingu um Ábyrga ferðaþjónustu. Félagið skuldbindur sig þar með til þess að birta markmið sín um samfélagslega ábyrgð. Þau markmið verða hluti af sjálfbærnistefnu RR sem birt verða á fyrrihluta næsta árs. Við sama tilefni skrifaði einn…

  • 11 December, 2019
  • Category: IS

RR skrifaði undir loftslagsyfirlýsingu Festu og Reykjavíkurbogar

Ráðstefnuborgin Reykjavík hefur þar með skuldbundið sig til þess draga úr losun gróðurhúsalofttegunda, takmarka myndun úrgangs og mæla og veita upplýsingar um stöðu þessara þátta. Hildur Björg Bæringsdóttir sem skrifaði undir yfirlýsinguna fyrir hönd RR segir þetta eitt skref í vegferð sem hófst hjá Ráðstefnuborginni Reykjavík árið 2015 þegar vinna við fyrstu sjálfbærnistefnu félagsins hófst.…

  • 11 December, 2019
  • Category: IS
 

Are you interested in Reykjavik?

Send enquiry