Mynd: Visit Reykjavík

Íslandsstofa tekur við verkefnum Ráðstefnuborgarinnar Reykjavíkur

  • 22 September, 2020
  • Category: IS

Borgarráð Reykjavíkur hefur samþykkt samning milli Íslandsstofu, Reykjavíkurborgar, Icelandair Group hf. og Hörpu tónlistar- og ráðstefnuhús ohf. þess efnis að Íslandsstofa taki að sér rekstur markaðsverkefnisins Ráðstefnuborgin Reykjavík (Meet in Reykjavík). Áður hafði samningurinn verið samþykktur á auka aðalfundi Meet in Reykjavík og af stjórn Íslandsstofu.

Meet in Reykjavík var stofnað árið 2012 í þeim tilgangi að kynna og markaðssetja Reykjavík og Ísland sem áfangastað fyrir fundi, ráðstefnur, hvataferðir og viðburði (MICE). Félagið hefur verið rekið sem samvinnuverkefni opinberra aðila og einkaaðila og gerir samningurinn ráð fyrir að svo verði áfram. Í dag eru um 40 fyrirtæki með aðild að félaginu.

Markmiðið með samningnum er fyrst og fremst að styrkja stöðu verkefnisins með það fyrir augum að efla kynningu á áfangastaðnum. Tryggja fjármögnun þess til langs tíma og að ná fram rekstrarhagræði þannig að hærra hlutfall fjármagns renni til beinna markaðsaðgerða. Samningurinn gefur tækifæri til að samnýta aðföng, sérhæfða stoðþjónustu, reynslu og þekkingu starfsfólks og samræma ímyndarskilaboð og áherslur í kynningu. Unnið verður í samræmi við stefnu íslenskrar ferðaþjónustu, útflutningsstefnu Íslands og ferðamálastefnu Reykjavíkurborgar.

Pétur Þ. Óskarsson framkvæmdastjóri Íslandsstofu segir starfsemi Meet in Reykjavík  falla vel að stefnu og starfsemi Íslandsstofu.

Ráðstefnu-  og hvataferðaþjónusta er mikilvægur liður í að auka verðmætasköpun í ferðaþjónustu þegar horft er til langs tíma. Áhrif COVID-19 faraldursins komu snemma fram í þessum geira og því miður er ýmislegt sem bendir til þess að hann verði lengur að ná fyrri styrk en önnur ferðaþjónusta. Það er því mikilvægara en nokkru sinni fyrr að sameina kraftana. Það eru þó fjöldi tækifæra í þessu ástandi fyrir okkur; ímynd áfangastaðarins er sterk og viðbrögð Íslands við COVID-19 hafa víða fengið jákvæða athygli. Þá höfum við tæknilega getu til þess að mæta auknum kröfum um stafrænar lausnir á ráðstefnu og fundarhaldi.“

Arna Schram sviðsstjóri menningar- og ferðamálasviðs Reykjavíkurborgar og stjórnarformaður Meet in Reykjavík segir samninginn í takt við þann vilja borgarinnar að leggja áherslu á fjölþjóðlegt funda- og ráðstefnuhald við frekari uppbyggingu ferðaþjónustu í borginni.

„Samningurinn tryggir framtíð verkefnisins Meet in Reykjavík og að byggt verði ofan á þann góða árangur sem þegar hefur náðst til að fjölga ráðstefnugestum í borginni. Með samstarfinu við Íslandsstofu vonumst við til þess að slagkrafturinn verði enn meiri enda eru sett metnaðarfull markmið um fjölgun ráðstefnugesta í drögum að nýrri ferðamálastefnu Reykjavíkurborgar. Slíkir gestir hafa verið flokkaðir sem betur borgandi gestir; þeir eyða meiru, eru umhverfisvænni og koma frekar utan háannatíma í ferðaþjónustu. “

Share this article:

MORE ARTICLES YOU MIGHT LIKE 

LOL MSI 2021

Heimsmeistaramótið í League of Legends fer fram á Íslandi

Riot Games, framleiðendur hins vinsæla tölvuleiks League of Legends, tilkynntu í gær að heimsmeistaramótið í leiknum færi fram í Laugardalshöll í október og nóvember næstkomandi. Heimsmeistarmótið er stærsta rafíþróttamót heims, en það er lokamót keppnistímabilsins í atvinnumannadeild League of Legends þar sem leikið er um milljónir dollara í verðlaunafé. Beinar útsendingar frá keppni í leiknum njóta mikilla vinsælda, en alls fylgdust um 100 milljón…

  • 10 September, 2021
  • Category: IS

Skýrsla um árif COVID-19 faraldursins á MICE ferðaþjónustu á Íslandi

Um miðjan júní gaf fyrirtækið „Tourism Economics“ út skýrslu um árif COVID-19 faraldursins á þróun ráðstefnuferðaþjónustu næstu árin í Evrópu. Skýrslan var unnin fyrir „Strategic Alliance of the National Convention Bureaux of Europe“ sem Meet in Reykjavík á aðild að. Skýrsluhöfundar byggðu spá sína á greiningu fyrirliggjandi gagna og með hliðsjón af áhrifum efnahagshrunsins 2008-2009…

  • 1 July, 2021
  • Category: IS

Herferðin Looks like you need an adventure“ er komin í loftið

Íslandsstofa hefur hleypt af stokkunum nýrri markaðsherferð „Looks like you need an adventure”. Í herferðinni er fólk hvatt til þess að loka tímabili sem varið hefur í vel á annað ár og einkennst af heimaveru og tilbreyting leysi og enduruppgötva ævintýraþránna á Íslandi. Fátt hefur verið jafn einkennandi fyrir þetta tímabil og jogginbuxurnar sem fylgt…

  • 1 July, 2021
  • Category: IS
 

Are you interested in Reykjavik?

Send enquiry