Harpa Norðurljós

Miklar búsifjar í ráðstefnu-, fundar- og hvataferðaþjónustu hér á landi vegna COVID-19

  • 17 March, 2020
  • Category: IS

Árið 2020 stefndi í metár í alþjóðlegum fundum, ráðstefnum, hvataferðum og viðburðum hér á landi, að sögn Sigurjónu Sverristóttir framkvæmdastjóra Ráðstefnuborgarinnar Reykjavíkur (Meet in Reykjavík). Félagið er samstarf Reykjavíkurborgar, Icelandair group, Hörpu og rúmlega 40 annarra hagsmunaaðila og sér um kynningu og markaðssetningu á Reykjavík og Íslandi sem áfangastaður fyrir viðskiptaferðaþjónustu.

Samkvæmt áætlunum félagsins stefndi í að minnsta kosti 10-11% aukningu í komu viðskiptaferðamanna á árinu 2020 samanborið við 2019 sem einnig var metár hér á landi. Bókunarstaðan var sérstaklega sterk í stærri fundum og ráðstefnum.

Hlutirnir hafa gerst hratt þessa undanfarna daga“ segir Sigurjóna. „Síðustu vikur hafa erlendir viðskiptavinir verið að hafa samband og kynna sér bókunarskilmála og að kanna mögulegar tilfærslur í tíma. Núna streyma hinsvegar inn afbókanir og vissulega setur samkomubann strik í reikninginn þar sem fundir ráðstefnur og hvataferðir eru oft fjölmennari en 100 gestir. Á þessum tímapunkti er erfitt að segja til um hverjar langtíma afleiðingarnar verða en ljóst að þær verða verulegar. Við erum í nánu samstarfi við systurfyrirtæki okkar á norðurlöndum og þar er fólk að búa sig undir allt að 40% samdrátt milli ára. Áætlanir gerðu ráð fyrir um 160.000 ráðstefnu-, funda-, hvataferða- og viðburðagestum til landsins í ár og ef þeim fækkar niður fyrir 100.000 yrði það mikill skellur fyrir efnahag landsins þar sem um mjög verðmætan hóp gesta er að ræða. En til að setja það í samhengi er áætlað að 1000 manna ráðstefna skili um 400 milljónum kr. í gjaldeyristekjur.“

Share this article:

MORE ARTICLES YOU MIGHT LIKE 

Sýningar þátttaka MiR 2021

Eins og gefur að skilja ríkir ákveðin óvissa um sýningarhald í ár. Í fyrra tók Meet in Reykjavík þátt í tveim rafrænum sölusýningum Planet IMEX og IBTM Virtual World. IMEX Frankfurt sem átti að fara fram í maí á þessu ári hefur verið aflýst og ætla skipuleggjendur ekki að endurtaka leikinn frá í fyrra og…

  • 14 April, 2021
  • Category: IS

Alþjóðleg rafíþróttamót í Laugardalshöl

Í byrjun mars var tilkynnt að rafíþróttamótin League of Legends Mid-Season Invitational 2021 og Valorant Masters 2 færu fram í Reykjavík í maí. Ábati áfangastaðarins af verkefnunum er margþættur. Fyrst og fremst er um mikið landkynningargildi að ræða en áætlað er að yfir 100 milljónir manna muni fylgjast með útsendingum og horfa á kynningarefni sem framleitt verður hér á landi á meðan á mótunum stendur og í aðdraganda þeirra. Auk…

  • 13 April, 2021
  • Category: IS

Nýtt aðildarfyrirkomulag að Meet in Reykjavík

Í samningi Reykjavíkurborgar, Icelandair Group og Hörpu við Íslandsstofu um yfirtöku þess síðastnefnda á markaðsverkefninu Meet in Reykjavík var kveðið á um að verkefnisstjórn skildi móta tillögur og taka ákvörðun um nýtt aðildarfyrirkomulag að félaginu. Markmiðið með breytingunni er að auka aðgengi hagsmunaaðila að félaginu, aukið gagnsæi í starfsemi þess, aukin slagkraftur í markaðsaðgerðum og bætt þjónusta við viðskiptavini og samstarfsaðila. …

  • 13 April, 2021
  • Category: IS
 

Are you interested in Reykjavik?

Send enquiry