gds index logo 2018

Reykjavík 89% sjálfbær ráðstefnuborg

  • 13 December, 2018
  • Category: IS

Listi Global Destination Sustainability Index (GDS-Index) fyrir árið 2018 hefur verið opinberaður og samkvæmt honum uppfyllir Reykjavík nú 89% markmiða um sjálfbærni Ráðstefnuborga. Reykjavík er í þriðja sæti listans eins og undanfarin tvö ár þrátt fyrir að hafa bætt einkunn sína um ein sjö prósentustig á milli ára.

Norrænar borgir eru áberandi á listanum í ár og skipa sjö efstu sæti hans. Gautaborg er í fyrsta sæti eins og undanfarin ár en bilið á milli hennar og Reykjavíkur hefur þó minnkað hratt.

GDS-Index mælir meðal annars sjálfbærni innviða sem tengjast ráðstefnu- og fundarhaldi, umhverfisstefnu borganna sjálfra og frumkvæði fyrirtækja sem þjónusta ráðstefnu- og fundargesti í umhverfismálum (í tilfelli Reykjavíkur eru það aðildarfélagar Ráðstefnuborgarinnar Reykjavíkur – Meet in Reykjavík). Horft er til umhverfisvottunar, umfangs endurvinnslu, þekkingarmiðlunar og samfélagslegra áhrifa.

„Við tökum þennan lista alvarlega,“ segir Þorsteinn Örn Guðmundsson, framkvæmdastjóri Meet in Reykjavík. „Þetta er ágætur mælikvarði á það hvernig okkur gengur að innleiða- og vinna samkvæmt umhverfisstöðlum. Það hefur enginn efni á því að sitja hjá þegar kemur að umhverfisvernd.“

Markmið vísitölunnar, sem er sú eina sinnar tegundar í heiminum, er að sýna kaupendum ráðstefnu-, viðskipta- og hvataferðaþjónustu hvort og þá hversu mikla áherslu einstaka borgir, áfangastaðir og helstu þjónustuaðilar leggja á verndun og sjálfbærni umhverfisins.

Share this article:

MORE ARTICLES YOU MIGHT LIKE 

Team Iceland IBTM World Barcelona 2018

Vinsældir Íslands á IBTM vekja athygli

Mikilvægi fagsýninga fyrir kaupendur af MICE ferðaþjónustu er nokkuð óumdeilt. Þó nokkrar kannanir hafa sýnt að meirihluti MICE kaupenda kýs að nýta sér fagsýningar til þess að afla upplýsinga um áfangastaði og komast í beint samband við einstaka þjónustu aðila. IBTM World Barcelona fór fram dagana 27.–29. nóvember 2018 en hún er ein af þeim…

  • 23 January, 2019
  • Category: IS
Sigurjóna Sverrisdóttir

Verðmæt snerting við MICE-Kaupendur

Síðasta kaupstefna ársins, IBTM World Barcelona, fór fram dagana 27.–29. nóvember 2018. Skömmu áður eða 16.–18. Október var IMEX America haldin í Las Vegas. Frá árinu 2012 hefur Ráðstefnuborgin Reykjavík leitt hóp íslenskra þjónustuaðila á umræddar kaupstefnur. Var þetta því í sjöunda skipti sem Reykjavík og Ísland er kynnt á sýningunni undir merkjum Meet in…

  • 13 December, 2018
  • Category: IS
The Women Leaders Iceland team 2018

Alþjóðleg ráðstefna kvenleiðtoga fór fram í Hörpu

26.–28. nóvember síðastliðinn var alþjóðleg ráðstefna kvenleiðtoga (Women Leaders Global Forum) haldin í Hörpu. Kvenleiðtogar úr stjórnmálum, viðskiptum, fjölmiðlum, vísindum, tæknigeiranum o.fl. frá yfir 100 löndum fylltu Norðurljósasal Hörpu. Tilgangur fundarins var að gefa þessum hópi tækifæri til þess að ræða og skiptast á hugmyndum um hvernig kvenleiðtogar geti beitt sér fyrir betra samfélagi, auknu…

  • 13 December, 2018
  • Category: IS
 

Are you interested in Reykjavik?

Send enquiry