Eventex 2019

Reykjavík verðlaunuð á Eventex Awards 2019

  • 15 May, 2019
  • Category: IS

Reykjavík var valin besta viðburðaborg Evrópu (Best Event Destination in Europe) þegar Eventex Awards voru veitt í níunda sinn í síðasta mánuði. Markmið verðlaunanna er að vekja athygli á bæði fyrirtækjum og áfangastöðum sem veita framúrskarandi þjónustu og upplifun þegar kemur að hvers kyns viðburðahaldi.

Verðlaunahátíðin er óhefðbundin en hún fór fram í beinni útsendingu á vef verðlaunanna. Samkvæmt forsvarsmönnum hátíðarinnar er fyrst og fremst verið að veita þeim verðlaun sem kunna að og geta farið „út fyrir kassann“ í viðburðahaldi og að hátíðin sjálf endurspegli það hugarfar. Það er 52 manna alþjóðleg dómefnd sem velur sigurvegara en hún er skipuð fólki sem starfar við viðburðahald og markaðssetningu áfangastaða eða ritstýrir fjölmiðlum sem fjalla um viðskiptaferðaþjónustu.

Þorsteinn Örn Guðmundsson, framkvæmdastjóri Ráðstefnuborgarinnar Reykjavíkur, segir verðlaun eins og þessi hafa mikla þýðingu fyrir áfangastaði eins og Reykjavík sem er kannski ekki mjög þekkt sem viðburðaborg í samanburði við stórborgir Evrópu. „Valið á Reykjavík sem besta viðburðaborg Evrópu 2019 hefur þegar vakið athygli innan þessa viðburðageira og mjög ánægjulegt að þau koma beint í kjölfarið á því að tilkynnt er um val European Film Academy á Reykjavík fyrir verðlaunahátíðina þeirra 2020. Þessi viðurkenning mun gagnast okkur við kynningu á áfangastaðnum næstu misserin og árin og er staðfesting á samkeppnishæfni áfangastaðarins þegar kemur að því að sækjast eftir eftirsóttum verkefnum.“

Share this article:

MORE ARTICLES YOU MIGHT LIKE 

Sigurjóna Sverrisdóttir í ítarlegu viðtali við Meetings International

Sigurjóna Sverrisdóttir, framkvæmdastjóri Meet in Reykjavík, fer um víðan völl í ítarlegu viðtali við tímaritið Meetings International. Þar fer hún yfir helstu áskoranir Ráðstefnuborgarinnar Reykjavíkur og fjallar um áætlanir áfangastaðarins um að verða leiðandi á heimsvísu í sjálfbærri viðskiptaferðaþjónustu. Sigurjóna ræddi sérstaklega þá þróun sem hefur átt sér stað frá stofnun Meet in Reykjavík og…

  • 21 October, 2019
  • Category: IS

Þrír „Ambassadorar“ heiðraðir (myndband)

Þann 5. september 2019 stóðu Ráðstefnuborgin Reykjavík og Samtök ferðaþjónustunnar fyrir fundi um vöxt, tækifæri og leitni (e. trend) í ráðstefnu-, viðburða- og hvataferðaþjónustu á Íslandi undir yfirskriftinni Áfram MICE-Land. Á þriðja hundrað manns sóttu fundinn sem fram fór á Hilton Reykjavík Nordica. Á fundinum voru þrír samstarfsaðilar (Ambassadorar) Ráðstefnuborgarinnar Reykjavíkur heiðraðir fyrir að hafa…

  • 30 September, 2019
  • Category: IS

Dr. Rob Davidson segir árangur Reykjavíkur enga tilviljun (myndband)

Dr. Rob Davidson flutti aðalerindið á fundinum Áfram MICE-Land sem haldinn var í samstarfi Ráðstefnuborgarinnar Reykjavíkur og SAF nýverið. Dr. Davidson hefur undanfarin 20 ár stundað rannsóknir og kennslu, samhliða ráðgjafastörfum, bókar- og greinaskrifum á þróun og leitni í viðskiptaferðaþjónustu. Í erindi sínu fjallaði Dr. Davidson um víðtæk efnahagsleg og félagsleg áhrif MICE-ferðaþjónustu og tók…

  • 30 September, 2019
  • Category: IS
 

Are you interested in Reykjavik?

Send enquiry