Sigurjóna ráðin framkvæmdastjóri Ráðstefnuborgarinnar Reykjavíkur

  • 15 August, 2019
  • Category: IS

Sigurjóna Sverrisdóttir hefur verið ráðin framkvæmdastjóri Ráðstefnuborgarinnar Reykjavíkur (Meet in Reykjavík). Sigurjóna hefur starfað hjá félaginu frá stofnun þess árið 2012. Hún tekur við starfinu af Þorsteini Erni Guðmundssyni sem leitt hefur verkefnið frá upphafi. Sigurjóna er með MBA-gráðu frá Háskóla Íslands og BA í leiklist frá Leiklistarskóla Íslands.

Ráðstefnuborgin Reykjavík er samstarfsverkefni Reykjavíkurborgar, Icelandair Group og Hörpu ásamt fjölda annarra fyrirtækja sem hafa hag af vexti ráðstefnu-, viðburða-, viðskipta- og hvataferðaþjónustu hér á landi eða svokallaðri MICE-ferðaþjónustu. Hlutverk félagsins er að auka verðmætasköpun í íslenskri ferðaþjónustu auk kynningar og markaðsstarfs á þessum sértæka en samkeppnisdrifna markaði.

„Ég er bæði hrærð og þakklát fyrir að hafa verið treyst fyrir þessu mikilvæga verkefni. Ég tek við frábæru búi af Þorsteini Erni sem hefur byggt félagið upp frá stofnun þess. Árangurinn má meðal annars sjá í því að erlendum ráðstefnu- og hvataferðagestum hefur fjölgað að jafnaði um 14,4% á ári frá stofnun félagsins,“ segir Sigurjóna.

Sigurjóna bendir á að sjaldan hafi verið mikilvægara að sækja stíft á þennan verðmæta markhóp í ljósi nýjustu vendinga í ferðaþjónustunni. Tekjur af ráðstefnu- og hvataferðagestum eru að jafnaði tvöfalt til þrefalt hærri á hverja gistinótt en af meðalferðamanni. Verðmætin felist þó ekki síður í jákvæðum árstíðarhalla en 80% MICE-gesta komi til landsins utan háannatíma. Hér á landi liggi miklar fjárfestingar í innviðum sem sé hægt að nýta betur en nú er gert og að á undanförnum árum hafi byggst upp framúrskarandi reynsla og þekking á þjónustu við þennan hóp.

Samkvæmt Ráðstefnuborginni Reykjavík komu 135.000 MICE-gestir til landsins á síðasta ári eða tæplega 6% erlendra ferðamanna. Sigurjóna segir þetta hlutfall of lágt og að víða á þeim áfangastöðum sem við berum okkur saman við og mestum árangri hafa náði í verðmætasköpun í ferðaþjónustu sé þetta hlutfall á bilinu 15–20%. Sigurjóna kallar eftir samstilltu átaki allra hagsmunaaðila og segist hlakka til að byggja ofan á þann árangur sem hafi náðst síðustu ár með frábærum hópi aðildarfélaga úr opinbera- og einkageiranum.

Share this article:

MORE ARTICLES YOU MIGHT LIKE 

Nýr starfsmaður hjá Ráðstefnuborginni Reykjavík

Guðrún Ósk Kristinsdóttir hóf störf hjá Ráðstefnuborginni Reykjavík 1. nóvember síðastliðin. Guðrún Ósk á að baki langan feril í MICE ferðaþjónustu og hefur meðal annars starfað hjá Icelan Travel, Atlantik og Concept Events. Guðrún Ósk mun sjá um tilboðsgerð í stærri ráðstefnur í samstarfi við aðildarfélaga og ambassadora. Ráðstefnuborgin Reykjavík býður Guðrúnu velkomna til starfa.

  • 13 December, 2019
  • Category: IS

RR skrifar undir yfirlýsingu um Ábyrga ferðaþjónustu

Þann 5. desember. s.l. á degi ábyrgrar ferðaþjónustu sem haldin var á Hótel Sögu skrifaði Ráðstefnuborgin Reykjavík undir yfirlýsingu um Ábyrga ferðaþjónustu. Félagið skuldbindur sig þar með til þess að birta markmið sín um samfélagslega ábyrgð. Þau markmið verða hluti af sjálfbærnistefnu RR sem birt verða á fyrrihluta næsta árs. Við sama tilefni skrifaði einn…

  • 11 December, 2019
  • Category: IS

RR skrifaði undir loftslagsyfirlýsingu Festu og Reykjavíkurbogar

Ráðstefnuborgin Reykjavík hefur þar með skuldbundið sig til þess draga úr losun gróðurhúsalofttegunda, takmarka myndun úrgangs og mæla og veita upplýsingar um stöðu þessara þátta. Hildur Björg Bæringsdóttir sem skrifaði undir yfirlýsinguna fyrir hönd RR segir þetta eitt skref í vegferð sem hófst hjá Ráðstefnuborginni Reykjavík árið 2015 þegar vinna við fyrstu sjálfbærnistefnu félagsins hófst.…

  • 11 December, 2019
  • Category: IS
 

Are you interested in Reykjavik?

Send enquiry